Vladimir Putin besohet se ka fshehur miliona paund nga pasuria e tij personale në Londër, me njësinë e re të “kleptokracisë” në Mbretërinë e Bashkuar që do të nisë një hetim, shkruan Robert Mendick.
Presidenti rus do t’i nënshtrohet një hetimi të udhëhequr nga Agjencia Kombëtare e Krimit (NCA), duke punuar së bashku me shërbimet e inteligjencës.
“Ka njerëz që po punojnë për të tani. Kjo është ajo për të cilën ekipi i “kleptokracisë” do të shpenzojë kohën e tij. Njësia do të gjurmojë paratë e Putinit dhe të bashkëpunëtorëve të tij.”- tha agjencia.
Një ekip do të përpiqet të identifikojë çdo pasuri në pronësi të Putinit në MB, duke përfshirë bashkëpunëtorët dhe oligarkët e njohur.
Lideri rus është nën sanksione në Londër, që do të thotë se çdo pasuri e identifikuar si e tij do të ngrihej menjëherë. Por opozita laburiste kërkon të shkojë më tej: ish-zëvendësministri për Evropën, Chris Bryant, tha në Parlament se qeveria “duhet të fillojë të konfiskojë pronat në vend që thjesht t’i ngrijë ato”.