Katër ish-marinsa britanikë kanë mbërritur këtë të dielë në Ukrainë, duke iu përgjigjur thirrjes së presidentit të Ukrainës Volodymyr Zelensky për t’ju bashkuar forcave ukrainase mes sulmeve ruse në vend.
I veshur me një xhaketë kamuflazhi, me një çantë në shpinë shihet mes turmave të njerëzve që ikin në Poloni për shkak të luftës.
Ndërsa dhjetëra mijëra qytetarë presin të kalojnë kufirin në Poloni, 35-vjeçari Adam Ennis ka zgjedhur të bëjë të kundërtën.
“Ky është fillimi i Luftës së Tretë Botërore, nuk mund të rri duarkryq”, ka thënë ai.
Mes luftës së Rusisë në Ukrainë, qeveritë perëndimore kanë vendosur të mos dërgojnë trupa ushtarakë në Ukrainë, por e kanë mbështetur thirrjen e presidentit Zelensky drejtuar luftëtarëve të huaj për t’ju bashkuar Legjionit Ndërkombëtar të Mbrojtjes territoriale.
The Times shkruan se ka komunikuar me katër burra britanikë, të cilit kishin treguar se kishin marrë trajnime ushtarake dhe se ishin gati të bashkonin forcat kundër agresionit rus.
Ndërkohë Ennis, i cili iu bashkua thirrjes së presidentit të Ukrainës, nuk kishte mundur t’i tregonte prindërve për vendimin që kishte marrë për të luftuar në Ukrainë… Të qenit beqar e ka bërë vendimin më të lehtë, ka thënë ai.
Duket se thirrja e presidentit Zelensky, drejtuar luftëtarëve nga e gjithë bota, për t’ju bashkuar forcave ukrainase ka marrë reagime të menjëhershme, një mbështetje të madhe.
Sipas zyrtarëve ukrainas deri në 16, 000 të huaj janë paraqitur për t’ju bashkuar Legjionit Ndërkombëtar.
Ish-marinsat botërorë britanik mbërritën në Ukrainë këtë të dielë. Ushtria ukrainase publikoi një foto të katër ish-ushtarëve të veshur me uniforma të ushtrisë britanike.