Merkato është e gjatë dhe skuadra e radhës për Armando Brojën pritet të jetë West Ham. Ekipi londinez është fuqizuar shumë vitet e fundit nën drejtimin e David Moyes, duke dhuruar paraqitje pozitive në Premier League dhe Europë.
Trajneri skocez u ka kërkuar drejtuesve të klubit sulmuesin shqiptar, i cili ndodhet nën kontratë me Chelsea. “Blutë e Londrës” e kanë të qartë që zotërojnë një lojtar me potencial të madh, por Broja dëshiron të luajë, diçka që Thomas Tuchel nuk ia siguron dot.
Broja do të largohet sot nga SHBA, aty ku Chelsea po kryen përgatitjet për sezonin e ri, për t’u kthyer në Londër. Shumë klube janë të interesuara për lojtarin e kombëtares shqiptare.