Ish-presidenti Bujar Nishani i ka kërkuar Lulzim Bashës të mos vijojë më me provokimin e tij ndaj vullnetit të 44 mijë anëtarëve të Partisë Demokratike.
Nishani ka paralajmëruar Bashën dhe deputetët që e mbështesin se nëse nuk kuptojnë qëndrimin politik të anëtarëve, atëherë është zgjedhja e tyre të ndeshen përballen me 44 mijë njerëz.
Nishani: Është dukshëm një arrogancë dhe fyerje ndaj shumicës dërrmuese të anëtarëve të PD-së, të cilët, ata janë PD. As Lulzim Basha s’mund të ishte kryetar i PD nëse nuk ishin ata aty anëtarët dhe ekzistencën e një partie politike e përbën anëtarësia e saj jo ata që zgjidhen në krye, pra nga ekzistenca e kësaj shumice. Kjo kurajë anti-civile, anti-qytetare i vjen nga mbështetja dhe komandimi i Ramës, pushteti i Ramës me të gjitha mekanizmat e këtij pushteti. Kjo nuk ka asnjë rëndësi.
Ajo që nuk pres më tej nga Basha është të mos dhunojë më vullnetin qytetar dhe politik dhe identitetit të 44 mijë shqiptarëve, 44 mijë anëtarëve të PD, të mos vijojë më me provokimin e tij ndaj vullnetit të tyre. Kaq pres unë nga Lulzim Basha.