Pedonalja e qytetit të Bulqizës është kthyer në shqetësim për banorët e qytetit verilindor. Shkak për këtë është bërë prania e akullit dhe gurët e lëmuar, mbi të cilët nuk mund të ecet normalisht. Të moshuar dhe fëmijë nuk mund të lëvizin pa praninë e të afërmve. Ata shprehen se bashkia duhet të mundësojë hedhjen e kripës e skorieve, ose duhet të largojë akullin nga rrugë kryesore që nis nga spitali bashkiak dhe përfundon te Komisariati i Policisë Bulqizë. Prej tri ditësh gjendja është jo normale, ndërkohë autoritetet lokale nuk kanë ndërmend të ndërhyjnë për të shmangur frakturat që vijnë nga rrëshqitja mbi akull. / P. Hasa /
Add A Comment