Një tjetër investim i rëndësishëm është në funksion të banorëve të Bulqizës.
Bëhet fjalë për Urën Tre Çezmat në Njësinë Administrative Zerqan, e cila kujtohet nga banorët e zonës për vështirësitë që kanë ndeshur në atë segment, dhe që tani është e përfunduar.
Kryetari i Bashkisë Bulqizë Lefter Alla thekson se Bashkia do të vijojë investimet e saj kudo që ka nevojë.
“Ura Tre Çezmat, Zerqan, tashmë e përfunduar dhe në funksion të banorëve. Një urë e cila i shtohet investimeve tona anekënd Bulqizës. Pak durim për një Bulqizë krejt ndryshe.”, – shkruan Alla në postimin e tij.