Drejtuesit e mjeteve që lëvizin nga Qafa e Buallit në Lagjen e Vjetër të qytetit të Bulqizës, duhet të bëjnë shumë kujdes. Për shkak të temperaturave shumë të ulta, ka patur prani të madhe të akullit i cili krijohet si rezultat i rënies së ujërave sipërfaqësore në asfalt.
Më shqetësuese situata mbetet për drejtuesit e mjeteve të tonazhit të rëndë të cilët e kanë rrugën e vetme për të dalë në Qafën e Buallit e më pas të udhëtojnë drejt Portit të Durrësit.
Ata thonë se prej ditësh situata është e tillë dhe nuk është treguar kujdes për të hedhur kripë e skorie në rrugë.
Drejtuesit e mjeteve i bëjnë apel institucioneve përgjegjëse që ta vlerësojnë shqetësimin e tyre pasi po rrezikojnë jetën teksa kalojnë në këtë segment problematik.