Edhe pse kanë kaluar 4 ditë nga fillimi i vitit të ri shkollor 2021-2022, në disa shkolla të Bulqizës ka probleme të shumta për vazhdimin e proçesit mësimor pasi mungon stafi pedagogjik.
Mësohet se në shkollën e mesme të bashkuar Ostreni i Madh 10 mësues nuk janë emëruar nga Zyra Vendore Arsimore në Bulqizë duke bërë që 10 klasa të mbeten pa mësim. Nxënësit paraqiten në shkollë çdo ditë por në mungesë të mësuesve largohen për në banesat e tyre.
Shkolla “10 dëshmorët” Njësia Administrative Trebisht ka mësues të pa emëruar, ndërsa rreth 100 nxënës nuk e kanë nisur ende vitin e ri shkollor.