Drejtori i Përgjithshëm i Azovstal-it, Enver Tskitishvili, siguroi se pesë strehimoret në territorin e uzinës janë në gjendje t’i rezistojnë një goditjeje të drejtpërdrejtë nga një bombë bërthamore.
Lajmi u bë i ditur nga mediat vendase, duke cituar intervistën e drejtorit për agjencinë ndërkombëtare të lajmeve “BBC”.
“Në vitin 2014, kur Mariupol-i u godit nga artileria e rëndë, ne filluam të mendonim se çfarë do të bënim nëse përshkallëzimi vazhdonte në qytet”, deklaroi fillimisht ai.
Më pas, drejtori tregon se hapën arkivat e vitit 1977, kur po rikonstruktonim dyqanin e konverterëve.
“Pamë që uzina ishte hapur dhe ishin rikonstruktuar strehimoret e bombave”, tregon më tej Tskitishvili.
Ai tregon se gjendeshin 5 strehimore shumë të fuqishme bombash – të cilat i rezistonin në përputhje me normat e ligjit sovjetik – urdhrit të një sulmi të drejtpërdrejtë bërthamor.
“Gjatë gjithë këtyre viteve (nga 2014 deri në shkurt 2022) ne trajnuam çdo ditë se si njerëzit do të zbresin në strehimoret e bombave, do të dalin prej andej, kush shkon ku dhe si. Pas vitit 2014, ne nuk i besuam historisë se gjithçka do të shkonte mirë dhe e kuptuam që përshkallëzimi ishte i mundur dhe duhej të përgatiteshim për të”, vërejti drejtori i uzinës për BBC-në.
CEO shtoi se trashësia minimale midis tokës dhe tavanit të tuneleve nëntokësore është 8 metra.
Por sipas tij, këto janë tunele komunikimi, të cilat kalojnë mes bunkerëve të ndryshëm, por vetë strehimoret e bombave janë edhe më të thella.
Tskitishvili tha se në prag të pushtimit rus të Ukrainës, punonjësit e uzinës kishin krijuar rezerva shumë të mëdha me ujë të pijshëm dhe ushqim në bunkerë, gjë që do t’i lejonte ata të jetonin atje për një kohë të gjatë.
Ai është i bindur se kjo i ka ndihmuar dukshëm mbrojtësit e Mariupol-it dhe civilët që t’i bëjnë ballë bombardimeve të drejtpërdrejta të forcave ruse.