Reshjet e dendura të dy ditëve të fundit kanë shkaktuar dëme serioze në rrugët rurale të shtatë njësive administrative në Bashkinë e Matit.
Interesimi i vazhdueshëm i kryebashkiakut Agron Malaj, administratorëve, specialistëve të ndërmarrjes së rrugëve, shtabit të emergjencave civile dhe kryetarëve të fshatrave bënë që të ndërhyhet kudo, duke bërë që rrugët e bllokuara nga shembjet dhe inertet e shumta të bëhen të kalueshme.
Malaj tha se nesër do të zhvillohet një takim me shtabin e mbrojtjes civile dhe administratorët. Do të raportohet nga vartësit e tij për situatën e fundit dhe do të merren masa të tjera për të ndërhyrë në segmente të tjera rrugore.
Bashkia Mat jo vetëm ka ngritur ndërmarrjen e rrugëve rurale, por ka krijuar një flotë me mjete motorike që nuk e kanë bashkitë e tjera të vendit.
