Krahina e Matit është një trevë e njohur dhe ka shumë histori. Kryengritja Popullore e 3000 matjanëve është një ngjarje me rëndësi kombëtare për nga përmasat e saj.
Me 26 Korrik 1943 matjanët u mblodhën në një kuvend popullor, që u mbajt në fshatin Bruç, për të projektuar e organizuar kryengritjen e armatosur mbarëpopullore.
Kuvendi i Bruçit mori karakterin e një besëlidhje ndërkrahinore, pluraliste, anëtarët e të cilit ishin përgjithësisht njerëz me reputacion, që kishin jo vetëm influencë në popull por dhe pregatitje e ide të qarta për luftën.
Kështu, nga krerët e parisë matjane, nacionalistëve e përfaqësuesve të Frontit Nacional Çlirimtar ishin: Sulë Kurti, Sali Llani, Bilal Kola, Ismail Lala, Xhemal Vata, Din Canameti, Hazis Kasemi, Ahmet Beqiri, Beqir Minzhozi, Mustafa Kaçaçi etj.
Përfaqësues të bajrakëve ishin Ndrec Lufi, Selitë, Frrok Gjet Kola, Kthellë dhe Tahir Mena, Lurë. Rol të rëndësishëm luajtën edhe të tjerë pjesëmarrës rreth 400 vetë vullnetarë, malësorë e luftëtarë që prisnin jashtë në fushën e Ndredysë e që mirëpritën vendimet e kuvendit.
Vendimet për të sulmuar ganizonin fashist në Komsi u mirëprit nga matjanët:
– Hartimi i një ultimatumi, i cili do t’i dërgohet komandës së forcave italiane në Burrel që të dorëzohen pa rezistencë, ku tu garantohet jeta e personelit ushtarak e civil, italian e shqiptar.
– Formimi i shtabit të i kryengritjes, drejtues
të cilit u zgjodhën Sulë Kurti, kryetar, Sali Llani e Ndrec Lufi nënkryetarë.
– U vendos që të lajmërohet Baba Faja, pasi Çeta e Martaneshit që ai drejtonte, do të ishte forcë e rëndësishme ndihmëse për kryengritjen.