Krahas investimeve të mëdha në ujësjellësa, parqe, sheshe dhe rrugë, bashkia Mat i ka kushtuar vëmendje të veçantë infrastruktuës në qytetin e Burrelit.
Prej muajsh punohet për ndërtimin e lulishteve, vendosjen e stolave si dhe lirimin e mjediseve publike nga ndërtimet e paligjshme, duke larguar barakat, gardhiqet, muret apo sende të tjera që pengojnë lëvizjen normale të qytetarëve si dhe shëmtojnë pamjen e qytetit.
Sot kryetari i bashkisë Mat, Agron Malaj, tha se pas 30 vitesh u mundësua ndriçimi i rrugës së varrezave publike, nga Komisariati i Policisë dhe deri në dalje të varrezave. Kohë më parë bashkia siguroi ujin e pijshëm pranë varrezave, kërkesë kjo e kahershme e qytetarëve.