Pas ndërhyrjes në rrugët e fshatrave, ujësjellësat dhe kanalet vaditëse të 7 njësive administrative Bashkia e Matit ka nisur sot asfaltimin e rrugëve në qytetin e Burrelit.
Në një postim të kësaj njësie vendore thuhet se:
“Bashkia Mat ka nisur punën për riveshjen e rrugëve me asfaltobeton prej 4 cm (tapet) në disa prej rrugëve të qytetit të Burrelit. Kjo ndërhyrje ka nisur për shkak të amortizimit të rrugëve ndër vite. Po punohet në rrugët: Rruga “Kokë Malçi” përkatësisht nga mobileri “Bushi” deri tek “Kryqëzimi i Spitalit”, rruga “Ibrahim Temo” nga “Kryqëzimi i Spitalit” deri tek porta e spitalit, rruga “Dervish Hima” nga “Kryqëzimi i Spitalit” deri tek “Kryqëzimi i Pallatit të Sportit”, rruga “Kuvendi i Dukagjinit” nga “Kryqëzimi i Pallatit të Sportit” deri tek “Kryqëzimi i Turizmit”, rruga “Rexhep Pashë Mati” nga “Kryqëzimi i Turizmit” deri tek “Muzeu Historik”, rruga “Pirustët” nga “Kryqëzimi i Barhanit” deri para Komisariatit i Policisë Mat, rruga “Abdi Mati” nga banka “Credins” përgjatë rrugës para Gjykatës së Rrethit deri në pikën e takimit me rrugën “Kuvendi i Dukagjinit.”
Të tjera investime të rëndësishme po kryhen nga Bashkinë e Matit në qytetin e Burrelit. Në çdo lagje po ndërtohen minilulishte, pa largohet ndërtimet e paligjshme, është ndëhyrë në të gjitha objektet social-kulturore, etj.
