Kryetari i Bashkisë së Burrelit, Agron Malaj, ka bërë të ditur përmes një postimi në rrjetet sociale se ka nisur puna për mirëmbajtjen e hyrjeve të pallateve në qytet. Aktualisht, po kryhen punime në lagjen “Pjetër Budi”, blloku Nr.1, ku po realizohet lyerja dhe patinimi i shkallëve të pallateve.
Sipas Malajt, ky proces do të vijojë deri në përfundimin e lyerjes së shkallëve në të gjitha pallatet e lagjeve të Burrelit, duke përmirësuar kështu infrastrukturën e përbashkët të banimit. Ky projekt vjen si pjesë e një nisme për të rritur standardet e jetesës dhe përmirësuar mjediset urbane në qytet.