Lagja “Drita” në qytetin e Burrelit mbarte një mal me probleme deri para pak muajsh. Infrastruktura ishte shqetësimi i banorëve të këtushëm.
Hapësirat mes pallateve ishin në gjendje kritike. Një kaos i vërtetë. Në dimër nuk durohej balta dhe në verë pluhuri.
Investimi i fundit, i kryer nga bashkia Mat ka ndryshuar rrënjësisht jo vetëm pamjen e jashtme por edhe jetesën në këtë lagje të qytetit Burrelit.
Ditët e fundit përfundoi asfaltimi i të gjitha rrugëve e rrugicave dhe pritet të përfundojnë edhe trotuaret, ndriçimi, gjelbërimi dhe gjithçka tjetër e nevojshme.
Postimi i kryetarit të bashkisë Mat Agron Malaj:
Ka përfunduar puna për hedhjen e binderit te blloku “Drita” në qytetin e Burrelit.
Një bllok që ishte lënë në harresë prej vitesh, por falë investimeve që po bëhen nga ana e Bashkisë Mat, ky bllok po transformohet totalisht. Puna vijon me vendosjen e trotuareve, ndriçuesve, vendosjen e stolave etj.
