Bashkitë Mat e Bulqizë kanë krijuar një atmosferë të veçantë në prag të festave të fundvitit. Qytetet Burrel, Ulëz e Bulqizë janë zbukuruar me drita të shumta, ndërkohë që në sheshet kryesore janë vendosur pemët e Vitit të Ri, të mbushura me drita shumë-ngjyrëshe.
Ndezja e dritave të pemëve dhe i gjithë dekori është inicuar nga kryetarët e këtyre bashkive Lefter Alla e Agron Malaj. Atmosferës festive i janë bashkuar qindra qytetarë, të cilët kanë falenderuar drejtuesit vendor për kujdesin e treguar, sidomos për fëmijët.
Kurrë më parë nuk ishte treguar një vëmendje e tillë për zbukurimin e qyteteve verilindore. /tirananews.al/
