Në prag të rinisjes së kam;pionatit në kategorinë e parë, Dorian Bubeqi do të jetë trajneri i ri i Burrelit. Bubeqi është një emër i njohur në futbollin shqiptar, pasi më parë ka drejtuar dhe ekipe të tjera si Besa apo Korabi.
Skuadra matjane ka realizuar disa afrime gjatë kësaj periudhe duke marrë lojtarë në reparte të cilat kanë qenë problematike në gjysmën e parë të këtij sezoni.
Stafi i K.F Burrelit vijon negociatat për lojtarë të tjerë që do të forcojnë skuadrën në mënyrë që të përballojë siç duhet pjesën e mbetur të garës. Ndërkohë, paraprakisht kanë firmosur kontratat me klubin Enbia Shehu, Donati Toma, Gentian Binishi dhe dy brazilianët Dejvid Silva e Diogo Silva.
Ndeshja e parë për vitin 2023 e Burrelit do të luhet të shtunën në stadiumin “Liri Ballabani” të qytetit të Burrelit përballë skuadrës së Besës së Kavajës.
Postime te ngjashme
Add A Comment