Skuadra matjane e Burrelit zhvilloi dy javët e fundit tri ndeshje, dy për “llogari” të kampionatit të Kategorisë së Parë dhe një takim për Kupën e Republikës.
Në përballjet me Tërbunin e Besëlidhjen në transfertë dhe në “Liri Ballabani” me Tomorin ekipi i Patushit nuk ka mundur të shënojë gola. Këto takime janë mbyllur me rezultatin e bardhë, 0-0. Sot matjanët luajtën në Lezhë dhe “imituan” dy ndeshjet e mëparshme.
Parë në këtë aspekt matjanë po vuajnë gjatë për të gjetur rrugën e rrjetës. Ky sezon futbollistik për Ligën e Parë është bërë më i vështirë, pasi të gjitha ekipet luajnë në një grup, duke bërë që skuadrat të rivalizojnë fort mes tyre.