Mbeten mister arsyet, por një ngjarje e pazakontë është regjistruar në rrugën Oxford në Manchester, Angli, kur një 32-vjeçare ishte duke pritur autobusin. Të resë iu afrua një burrë i cili sillej çuditshëm dhe i preu flokët.
“Unë isha ulur në stacionin e autobusit kur ndodhi kjo gjë dhe po shihja nga ana e djathtë për të parë nëse po vinte autobusi”- u shpreh e reja për mediat e huaja.
Ema, e cila është parukiere tha se edhe pse dëgjoi një zhurmë të cilën shkaktojnë gërshërët, ajo nuk e kuptoi se çfarë kishte ndodhur derisa shkoi në shtëpi.
Ajo shpjegoi: Unë i kapa flokët kur u ktheva në shtëpi. Unë kam flokë mjaft të gjatë dhe janë shumë të trashë. Kur po ushqeja fëmijën vura re që një pjesë e flokëve më ishin prerë. Në mëngjes, gjëja e parë që bëra ishte të raportoja rastin në polici. Ata thanë se do të kontrollonin kamerat. E postova edhe në Facebook dhe shkruajta se çfarë më ndodhi dhe më dërgoi një vajzë tjetër për të më thënë se e njëjta gjë i ndodhi dhe asaj.
Policia e Manchesterit thotë se ka nisur një hetim për incidentin, i cili po trajtohet si sulm. Një sulm i dytë i ngjashëm po hetohet gjithashtu.