Një 56-vjeçare shqiptare është vrarë nga bashkëshorti i saj. Ngjarja e rëndë ka ndodhur pasdites së enjtes në banesën e tyre në via del Crociere 8, në lagjen Borgo Rivo në Terni të Italisë. Xhafer Uruçi, 62-vjeç ka vrarë me thikë, bashkëshorten e tij, Zenepe Uruçi, 56 vjeçe.
Gruaja punonte në një shitës peshku në zonë dhe njihet si njeri i “mirë”, i përkushtuar ndaj familjes dhe punës. Grindjet e çiftit ishin të shpeshta, shkruajnë mediat italiane. Bashkëshorti i cili vuante nga probleme të rënda shëndetësore dhe që nuk kishte punuar për disa kohë, pasi kishte qenë punëtor në një kompani ndërtimi në Terni, duket se kishte rënë pre e alkoolit.
Viktima sapo kishte nisur sulmi nga burri i saj i kishte dërguar një mesazh zanor të birit ku i tregonte se “babai po më vret”. I biri nxitoi në banesën e prindërve, por kur mbërriti gjeti nënën e vrarë. Policia po heton ngjarjen e rëndë, ndërkohë 62-vjeçari është dërguar në paraburgim.