Omar Imeri bëhet gati për një aventurë të re. Mesfushori i talentuar i përfaqësueses Shpresa, pasi spikati në radhët e Shkëndijës së Tetovës në vitet e fundit, duke merituar edhe fanellën kuqezi, bëhet gati për një hap shumë të rëndësishëm në karrierë, pasi do të firmosë në Superligën turke.
Sipas mediave turke, Imeri tashmë do të jetë pjesë e klubit të Antaliaspor, i cilia ka gjetur akordin për transferimin e tij në kampionatin turk dhe në ditët e ardhshme do të bëjë prezantimin e lojtarit 20-vjeçar. Ky i fundit ishte nën monitorim nga skuadra të ndryshme në kampionatin turk, por Antaliaspor ofroi një kotnrta të kënaqshme për lojtarin dhe Shkëndijën e Tetovës që ta linte të lirë.
E ndërsa klubet e mëdha turke interesohen për futbollistin, bie në sy fakti se emri i Imerit mungon në listën e trajnerit Alban Bushi për ndeshjet e Shpresave të muajit shtator. Mesfushori ka qenë shpesh pjesë e kësaj përfaqësueseje duke luajtur disa ndeshje si titullar. Por edhe pse ai është një element me shumë perspektivë e ndoshta do të kishte më shumë shikueshmëri për përfaqësuesen A, Bushi ka preferuar që të mos e grumbullojë lojtarin e lindur në Maqedoninë e Veriut