Ka mbajtur qëndrim të fortë gazetari Berat Buzhala për abuzimit seksual me adoleshenten në Kosovë. “I tmerrshem akti i policit, e edhe përpara tij i mjekut, e i tmerrshëm cdo abuzim me të mitur. Pikë. No ifs, ands, or buts”, e nis postimin e tij në fb Buzhala.
Ai shton se abuzimi me një të mitur është shume më i llahtarshëm kur atë e kryen një zyrtar i një institucioni që supozohet që ta luftojë atë, duke e mbrojtur viktimën. Kjo e humb besimin në institucionin, në masë të madhe. E dëmton reputacionin e institucionit, pothuajse, pariparueshëm.
Buzhala i prekur thellë nga ngjarja e rëndë vijon: “Fatkeqësisht policia e Kosovës, e cila për një kohë të gjatë ka qenë njëri prej institucioneve më të dashura në vend, po e humb kredibilitetin. Eshtë shndërru, ose po shndërrohet në polici politike. Kjo po ndodh për disa arsye, por arsyeja kryesore është sepse shefat politik të policisë arsye primare nuk e kanë mbrojtjen e të drejtave të njeriut, por mbrojtjen e tyre”.