Capital T i ftuar së fundmi në emisionin “N’drrimi i natës”, në Klan Kosova, si rrallëherë foli edhe për jetën private, përpos projekteve të reja në muzikë. Kur u pyet nëse është e vërtetë që ka qenë i lidhur me Dhurata Dorën, reperi tregoi se dyshja kanë pasur gjithnjë një raport të mirë si miq dhe vetëm kaq. Kujtojmë që thashethemet për lidhje midis Capitalit dhe Dhuratës nisën tre vite më parë pas bashkëpunimit të tyre.
“Realisht janë të zakonshme këto kur bashkëpunon me një artiste femër. Ka ndodh edhe më shumë e shumë bashkëpunime tjera në tregun tonë. Kjo [me Dhuratën] ka ndodhur ndoshta për shkak se jemi dy artistë moshatar dhe kemi raport shumë të afërt dhe njerëzit kanë aluduar në këto baza. Por kjo nuk ka qenë e vërtetë asnjëherë, Dhuratën e kam shoqe shumë të mirë dhe kemi raport shumë të afërt, mirëpo lidhja nuk ka qenë asnjëherë një çështje”, u shpreh Capital T.