Capital T ka qenë i ftuar në emisionin NIN ku ka folur mbi projektin e tij të fundit “Akull” i cili u bllokua nga Youtube pak kohë pas publikimit.
Kënga u bë hit menjëherë, ashtu si të gjitha këngët e reperit, por për shkak të një problemi me të drejtat autoriale të disa motiveve indiane të përdorura në këngë, Youtube e bllokoi projektin e reperit.
Kënga u rikthye brenda pak ditësh sërish dhe Capital T ka rrëfyer se çfarë ndodhi. Reperi u shpreh se nuk ishte në dijeni të kësaj vjedhjeje pasi këngën e kishte blerë.
Ai tregoi se krijuesit e melodisë indiane janë shumë të fuqishëm në Youtube dhe bllokuan këngën menjëherë.
Më pas ata i kishin dërguar e-mail reperit, por për shkak të situatës në Shqipëri, Capital T nuk u kishte kthyer dot përgjigje në moment.
Pasi u qetësua situata, Capital foli me kompaninë dhe kënga u rikthye sërish.