Cara Delevingne duket se po e rikuperon veten pasi i shqetësoi të gjithë me pamjet ku shihej në gjendje jo të mirë shëndetësore.
Supermodelja 30 vjeçare, mori pjesë në Fremantle Photocall si pjesë e një evenimenti në Kanë, ku arriti të rrëmbente vëmendjen e të gjithëve me paraqitje ne saj.
Delevingne kishte veshur një fustan të zi, të ngushtë bust, të cilin e kombinoi me një palë taka të së njëjtës ngjyrë dhe një varëse të thjeshtë ngjyrë ari. Flokët i kishte lënë të lëshuara dhe me valë që i vinin poshtë shpatullave, ndërsa grimi i saj ishte i theksuar tek sytë ndërsa tek buzët një ngjyrë nude.
Kjo shënon daljen e dytë publike të Delevingne që pas shqetësimeve për shëndetin dhe mirëqenien e saj.
Në fillim të shtatorit, modelja u shfaq në publik me pamje të çoroditur në aeroportin Van Nuys të Kalifornisë, ku paparacët e fotografuan atë me këmbët e varura nga dritarja e sediljes së pasme të një makine.