Këngëtari shqiptar Gëzim Nika, i cili njihet për koncertet e tij në të gjitha vendet kudo që ka shqiptarë, ka treguar detaje nga jeta e tij private.
I ftuar në “Mos i fol shoferit”, Gëzimi rrëfeu se është i martuar prej 34 vitesh me gruan e tij Anxhelinën dhe madje e respekton shumë atë.
“Ne kemi lindur të martuar. Kemi shumë vite bashkë dhe unë jam një burrë i mbarë,”– tha këngëtari teksa shkaktoi shumë të qeshura në sallë.
Ai tregoi më tej edhe një detaj mjaft të veçantë, që mbledh edhe shoqet e gruas në shtëpi.
“Unë jam aq burrë i mbarë, saqë mëngjes për mëngjes, prej 34 vitesh ia bëj unë kafen gruas. Madje e bëj shumë të mirë, sepse me kohë praktikohesh. Dhe të them diçka? Edhe shoqet e gruas thonë ‘vetëm po e bëri Gëzimi kafen do vijmë te shpia’, prandaj vijnë”,- tha këngëtari Gëzim Nika.