Uashingtoni është në bisedime me katër grupe të interesuara për të blerë platformën TikTok. Lajmin e jep Presidenti amerikan Donald Trump. Aplikacioni në pronësi kineze përballet me një të ardhme të pasigurt në SHBA.
I pyetur nëse një marrëveshje për TikTok do të arrihet së shpejti, Trump u tha gazetarëve: “Mund të ndodhë”.
“Kemi të bëjmë me katër grupe të ndryshme. Shumë njerëz e duan atë marrëveshje, dhe ajo varet nga unë”, u tha ai gazetarëve në Air Force One.
Ligji që ndalon TikTok-un në SHBA hyri në fuqi më 19 janar, mes shqetësimeve se qeveria kineze mund të shfrytëzojë platformën e për të spiunuar amerikanët ose për të ndikuar fshehurazi opinionin publik amerikan.
TikTok pezulloi përkohësisht operacionet në Shtetet e Bashkuara dhe “u zhduk” me afrimin e afatit të përcaktuar nga ligji, ndërsa miliona përdorues shprehën zhgënjimine tyre.