Kryekomisioneri Shtetëror për Zgjedhjet, Ilirjan Celibashi bëri me dije se në 44 bashki të vendit ka përfunduar procesi i numërimit të votave.
Njoftohet se numërimi është ndërprerë në dy KZAZ në Durrës, për shkak të lodhjes së komisionerëve dhe grupit numërues.
“Në lidhje me problematikat në procesin e numërimit, në Durrës, kemi ndërprerje në KZAZ numër 22 dhe 23 për shkak të lodhjes së komisionerëve dhe anëtarëve të grupit të numërimit. Kemi konsideruar situatën e krijuar në KZAZ e Kurbinit dhe problematikat në lidhje me numërimin në këtë KZAZ. Kemi marrë një vendim për të bërë pezullimin e procesit deri në 16:00, por ende nuk ka filluar procesi i numërimit. Kemi komunikuar me strukturat ligjzbatuese, me Policinë e Shtetit, për të siguruar në përputhje me parashikimet e Kodit Zgjedhor, rendin dhe sigurinë.”
Sipas shifrave të raportuara nga 4835 qendra votimi, Celibashi tha se pjesëmarrja në zgjedhje rezulton 37.9%.