Çeljen e negociatave të Shqipërisë me Bashkimin Europian, nënkryetari i Kuvendit, deputeti demokrat Agron Gjekmarkaj e cilëson si një arritje të cilët shqiptarët e kërkonin prej 32 vitesh demokraci. “Nuk është e thënë se do të ndodhe me patjetër, por shpresat janë që nga sot Europa të ndikojë që pushteti dhe shteti të mos jenë e njëjta gjë në Shqipëri, që zgjedhjet të mos shiten e blihen në masë tjetersuese, që administrata publike të jetë ideologjike, që korrupsioni të mos jetë fillimi e fundi por sado që Europa të jetë kushtezuese e vullnetmirë ndaj nesh këtu qeverisin shqiptaret”, thekson ai. Por në mesazhet e tij, Gjekmarkaj thekson se ky vendim i BE është vetëm “kalimi i pragut” dhe se gjasat janë që të qëndrojmë gjatë në “korridorin e Bashkimit Europian”.
Shkrimi i plotë
Hapja e negociatave të Shqipërisë me BE i jep historisë së vendit tonë një kthesë të shumë pritur.
Pas më shumë se pesë shekujsh ne po kthehemi tek rrënjet duke shuar çdo dilemë artificiale për identitetin europian të shqiptarve. Europa nuk është në ditët e saj më të mira, shumë dilema e kriza e përfshijnë e pershkojnë!
Më e fundit lufta në Ukrainë e cila na shëmbi një tabu atë të paqes së “perjetshme”. Por Europa është ajo bijëza e bukur që joshi Zeusin me hiret e saj tek mblidhte lule dhe që asokohe nuk ka reshtur se joshuri së qëni e lakmuar e trazuar por gjithmonë dritë e botes dhe laborator i panderprerë i idealeve më të mira njerzore. Ne kemi jetuar si komb kohë pas kohe me ëndrren e Europes me “shansin e humbur” por një meritë të pamohueshme e kemi, dashurinë për kontinentin e vjeter nuk e tradhëtuam brënda nesh edhe pse na u imponuan sundime që e urrenin atë.
Politika shqiptare mendon se është kerrthizë e Botes, kur në fakt për të është një gjë e vogel dhe si gjithë të frustuarit gezimet e përbashketa tentojmë ti kthejmë në humbje të kundershtarit. Duke u ngritur e duke rënë, duke ndertuar e zhgënjyer, duke qeshur e duke qarë, duke akuzuar e duke bërë dhunë, por duke besuar tek Europa në 32 vite liri të gjithë bashkë arritëm në këtë ditë.
Nuk është e thënë se do të ndodhe me patjeter por shpresat janë që nga sot Europa të ndikojë që pushteti dhe shteti të mos jenë e njëjta gjë në Shqiperi, që zgjedhjet të mos shiten e blihen në masë tjetërsuese, që administrata publike të jetë ideologjike, që korrupsioni të mos jetë fillimi e fundi por sado që Europa të jetë kushtëzuese e vullnetmirë ndaj nesh,këtu qeverisin shqiptarët. Ata që e marrin persiper këtë detyrë nga votuesit e tyre duhet të sillen si europianë e kjo nuk ndodh me të lutura, kjo realizohet kur shoqëria shqiptare sillet si europianë në reagimin ndaj politikes së saj.
Në Europë ka gjithmonë rinovim elitash politike që bartin ide të reja e transformuese. Nëse edhe ne nuk ndryshojmë mendësi por mrizojmë nën hijen e miteve të rreme që më shumë na kanë rrejtë se na kanë thënë të vërteten, duke besuar kultin e individit dhe mohuar kultin e shoqërisë, vërtetë e kaluam pragun por do rrimë gjatë në korridorin e BE. Por sot është një diteë feste dhe jo kasandrash! Gëzuar Shqipëri që u ktheve aty ku Gjergj Kastriot- Skenderbeu të desh