Krerët e dy besimeve në Fier shprehën shqetësimin se pyetja e censit të popullsisë dhe banesave, “A jeni praktikant i fesë?”, po ngatërron qytetarët.
“Pyetje e parë është a jeni praktikant? Kjo është e ngatërruar sepse shumë njerëz nuk e kuptojnë çfarë do të thotë të jesh praktikant sepse jo të gjithë besimtarët nuk i kryejnë ritet. Kështu që kjo pyetje i ngatërron pak. Ndaj ne u bëjmë thirrje besimtarëve ortodoks të përgjigjen me po për të dyja pyetet për besimin”, u shpreh At Nikolla për “Report Tv”.
Myftiu i Fierit, Mikel Haxizolli iu bëri thirrje besimtarëve ta plotësojnë vete formularin dhe të deklarojnë saktë përkatësinë fetare.
“Ne na kanë ardhur shqetësime nga besimtarët, sepse kanë shkuar anketuesit u kanë dhënë na jepni emër mbiemer se ne i plotësojmë vetë pyetjet. Besimtarët janë të shqetësuar. Kjo duhet rreguar nga ana e INSTAT, secili duhet ti plotësojë vete pyetjet. Ndërsa problemi tjetër është për pyetjen. A jeni praktikant? Kur e bën këtë pyetje njerëzit e kuptojnë se është për pjesën e faljes. Kjo pyetje duhet të ishte më serioze.”