Kremlini pohon se Vladimir Putini nuk është ftuar në ceremoninë e betimit të presidentit të zgjedhur të SHBA-së, Donald Trump.
Është folur shumë për marrëdhënien mes tyre, e cila është përshkruar si në tone gati miqësore, por duket se ajo nuk shkon deri dorëzimi i një ftese për eventin e shumëpritur, ndërkohë që presidenti kinez Xi Jinping nga ana tjetër, e ka marrë një të tillë, edhe pse nuk e ka konfirmuar ende pjesëmarrjen në ceremoni.
Ekipi i Trumpit është duke diskutuar sakaq ftesat për liderë të tjerë botërorë, përfshirë kryeministrin hungarez Viktor Orbán. Karoline Leavitt, zëdhënësja e tranzicionit e Trump dhe sekretarja e ardhshme e shtypit, tha për CBS News: “Udhëheqës nga e gjithë bota janë rreshtuar që të takohen për t’u takuar me Presidentin Trump sepse e dinë se ai së shpejti do të kthehet në pushtet dhe do të rivendosë paqen përmes fuqisë amerikane në mbarë globin”.
Trump do të betohet në detyrë në një ceremoni inaugurimi e cila mbahet më 20 janar 2025 në ndërtesën e Kapitolit të SHBA-së në Washington D.C. Eventi është planifikuar nga Komiteti i Përbashkët i Kongresit për Ceremonitë Inauguruese, e përfshin betimin dhe fjalimin e rastit. Republikani rikthehet në Shtëpinë e Bardhë katër vjet pas largimit prej saj si presidenti i 47-të i SHBA-së.