Çështja e Fredi Belerit që ndodhet në burg për vjedhje votash edhe pse fitoi bashkinë e Himarës në zgjedhjet e 14 Majit, ka shkuar deri në senatin amerikan. Gjatë një seance dëgjimore mbi angazhimin amerikan në rajonin e Ballkanit Perëndimor, këshilltari i lartë i Departamentit të Shtetit Derek Chollet, tha se kishin kërkuar nga ambasada amerikane në Tiranë të paraqesë një tablo të qartë të asaj që ka ndodhur.
Ai reagoi pas ndërhyrjes së senatorit demokrat Bob Mendez, i cili u shpreh i shqetësuar për arrestimin nga policia shqiptare, dy ditë para mbajtjes së zgjedhjeve lokale të Fredi Belerit, përfaqësues i minoritetit grek në Shqipëri.
Gjatë seancës dëgjimore në Senat u ngrit edhe çështja e trafikut të drogës nga senatori demorkat Tim Caine. Chollet, ashtu si i dërguari i posaçëm amerikan për Ballkanin Perëndimor, Gabriel Escobar dëshmuan para Komisionit lidhur me sfidat dhe mundësitë e rajonit.