Mos e prisni mëngjesin për t’u përballur me veturën e ngrirë
Jeta do t’ju jetë shumë më e lehtë nëse që më parë kujdeseni për disa gjëra dhe bëni disa veprime të caktuara të cilat do ta pengojnë ngrirjen!
Po ju japim gjasht këshilla të shkëlqyeshme se si të mos ju ngrijë as xhami, as dyert, por as bravat dhe si ta zgjidhni problemin nëse ju ndodh kështu:
1. Parkojeni makinën në drejtim të lindjes
Nëse kemi mundësi, gjithmonë makiën parkojeni në atë mënyrë që të jetë i kthyer në drejtim të lindjes. Nëse veproni kështu, rrezet e para të mëngjesit ngadalë do të shkrijnë akullin në xhamin e përparmë.
2. Ndihmojnë alkooli dhe sapuni
Bëni lëng për shkrirje akulli të cilin në mëngjes vetëm spërkatni mbi akull. Në një shishe vendosni një litër alkool, një decilitër ujë dhe 1 lugë detergjent për larjen e enëve. Tundeni mirë.
3. Mbroni bravat nga akulli
Mbrojtja më e mirë është spreji i dedikuar për këtë qëllim, ndërsa nëse brava ngrihet, çelësin nxeheni me shkrepëse dhe do të arrini ta hapni veturën.
4. Për të mos u ngrirë dyert
Lyeni gomën rreth dyerve të veturës me ndonjë yndyrë. Mund të jetë glicerinë, vazelinë, vaj ushqimi etj. Bëjeni këtë sapo të dilni nga vetura në mënyrë që në mëngjes pa problem të mund t’i hapni dyert.
5. Çorape në fshesa
Është e vërtetë, mirë e keni lexuar. Fusni në çorape fshesat në mënyrë që në mëngjes të mos i gjeni “ngjitura” për xhamin me akull. Ose, thjesht, ngrini lart që të mos qëndrojnë mbi xham që të mos ngjiten.
6. Vendosni karton mbi xham
Kjo është mënyrë e shkëlqyeshme e preventivës që xhamat e veturës të mos ngrijnë. Këtë mënyrë shoferët shpesh e përdorin. Në vend të kartonit mund të vendosni edhe peshqir të vjetër.
Kujdes!
Xhamave të ngrirë kurrë mos i hidhni ujë të nxehtë, sepse mund të pëlcasin, posaçërisht nëse mund të kenë dëmtime të vogla, thonë ekspertët. Zgjedhje më e mirë është uji i vakët të cilin në xhama duhet ta vendosnmi me leckë.