Kryeministri Edi Rama u tregua mjaft i prerë në fjalën e tij në Kuvend ku tha se maxhoranca është gati të dialogojë për gjithçka, por jo të negociojë.
“Ne jemi gati të dialogojmë për gjithçka, po asnjëherë gati të negociojmë rregullat themelore që bëjnë ndryshimin mes këtij sistemi ku njerëzit zgjedhin, dhe të zgjedhurit respektojnë mandatet që i japin njerëzit dhe çdo sistemi tjetër. Demokracinë, parlamentarizmin dhe mbi të gjitha mandatin e marrë nga shumica dërrmuese e qytetarëve ne nuk e negociojme me askënd”, tha Rama.
Madje ai shkoi më tej duke thënë se dhe vetë opozita e di se nuk ka asnjë shans të fitojë zgjedhjet vendore dhe këtë ua kanë thënë socialistëve në kafenenë e Kuvendit.
“Në qershor Shqipëria ka zgjedhjet vendore, ata që nuk kanë asnjë shans e dini ju se në kafenenë e parlamentit ua kanë thënë vazhdimisht, e dinë ata që dëgjojnë bisedat e tyre, e di dhe unë se e kamd ëgjuar dhe unë nga partia e tretë e opozitës që nuk kanë asnjë shnas të marrin një bashki të vetme nga ato që kemi dhe kanë shumë pak shanse të ruajnë gjysmën e bashkive që kanë. Ata e dinë shumë mirë, për të mos thënë zero shanse. Ajo që na takon është t’i marrim të gjitha bashkitë, të gjitha, që më në fund të qeverisen nga njerëz normalë që dinë të bëjnë qytet, zhvillim urban dhe rural, dhe të ndryshojnë faqen e historisë së një komuniteti”, tha Rama.