Çdo grua në një moment në jetën e saj duhet të merret me pikat e zeza dhe me poret. Këto gropa të vogla janë thjesht hapje pak më të gjera të indeve të lëkurës dhe në to ka tendencë të mblidhen papastërti duke krijuar pika të zeza. Këto gropa të vogla janë thjesht hapje pak më të gjëra të indeve të lëkurës.
Trajtimet më të mira kundër pikave të zeza
Asnjë grua nuk duhet të shpenzojë sa qimet e kokës për trajtime kozmetike kundër pikave të zeza që shkaktojnë irritim të lëkurës. Dermatologët këshillojnë disa kura natyrale të padëmshme për lëkurën që eliminojnë pikat e zeza dhe e mbajnë atë të ushqyer.
Maskë me çaj jeshil
Çaji jeshil është shumë i mirë për të pakësuar prodhimin e sebumit. Sa më pak sebum të ketë lëkura aq më pak pika të zeza do të shfaqen në të. Për më tepër, ky çaj është anti-inflamator. Lëreni bustinën e çajit jeshil në një gotë me ujë të nxehtë për një orë. Më pas, hapeni bustinën dhe gjethet përziejini me një lugë gjelle mjaltë. Nëse maska është shumë e trashë, shtoni disa pika ujë. Më pas mbajeni maskën për 10-15 minuta dhe shpëlajeni me ujë të vakët. Maskën përdoreni dy herë në javë.
Pastruesit me bazë vajore
Pastruesit me bazë vajore shkrijnë çdo yndyrnë të tepërt në sipërfaqe të lëkurës. Duke qenë se pikat e zeza formohen kur një pore bllokohet nga qeliza të vdekura dhe yndyrna, eliminimi i këtyre të fundit është thelbësor.
Një pastrues i mirë është vaji i arganit. Mjafton një ose dy lugë çaji vaj argani dhe masazhojeni lëkurën për 1-2 minuta. Më pas përdorni një peshqir të lagur me ujë të nxehtë për të hequr vajin, por duke mos e fërkuar lëkurën fort. Në fund, përdorni kremin ushqyes të lëkurës që përdorni zakonisht.