Yulia Navalnaya, e veja e liderit të opozitës ruse, Alexei Navalny, ka ndarë një mesazh në X pas sulmit me armë zjarri në një koncert në Moskë.
Ajo shprehu ngushëllime për viktimat e incidentit të bashkisë së Crocus dhe kërkoi që përgjegjësit të sillen para drejtësisë.
“Çfarë makthi në Crocus. Ngushëllime familjeve të viktimave dhe urime të lënduarve. Të gjithë të përfshirët në këtë krim duhet të gjenden dhe të mbajnë përgjegjësi”, ka shkruar ajo.
Nga sulmi me armë zjarri në Moskë deri tani raportohet për 40 viktima dhe mbi 100 të plagosur. Ndërsa autoritetet po e hetojnë rastin si një sulm terrorist.
Zëdhënësja e Ministrisë së Jashtme ruse, Maria Zakharova, i bëri thirrje komunitetit ndërkombëtar që ta dënojë, siç tha, “këtë sulm të përgjakshëm terrorist”.
Pamjet e shpërndara në rrjetet sociale tregojnë zjarr dhe shtëllunga tymi mbi ndërtesën e sulmuar.
RIA-Novosti raportoi se së paku tre persona të armatosur ishin të përfshirë dhe tha se ata duket se kanë hapur zjarr me automatik.