Teologu Miron Çako i quan librat e ëndrrave një gënjeshtër të madhe. Ndaj, sipas tij, duhet patur shumë kujdes te besimi i ëndrrave.
Në një lidhje të drejtpërdrejtë në emisionin Ftesë në 5, Çako u shpreh se mesazhi i ëndrrave është shumë manipulues.
“Libri e ëndrrave është një gënjeshtër shumë e madhe. Alegoria e ëndrrave është e pafundme. Secili e sheh ndryshe. Po u futëm në shpjegimin e ëndrrave di të ngatërrohemi më shumë. Ka njerëz shumë të fiksuar. Nëse ti i jep rëndësi një ëndrre ti bëhesh i fiksuar. Ndaj duhet bërë shumë kujdes. Nëse neve besojmë 100 për qind me të dëgjuarit të ëndrrave ne shkojmë në rrugë pa krye. Mesazhi i ëndrrave është shumë manipulues. Njeriu mëson edhe nga përvoja e tij. Jo gjithmonë ëndrrat duhen besuar.”