Beqare dhe aspak gati për lidhje! Kim Kardashian ka ndryshuar mendim për planet e saj për jetën sentimentale në të ardhmen e afërt.
Kur u pyet në “Live with Kelly and Ryan” të hënën se me çfarë mashkulli e sheh veten, themeluesja e Skims, u përgjigj duke qeshur, “Absolutisht askënd”.
Kardashian, e cila u nda nga Pete Davidson në gusht pas nëntë muajsh lidhje, së fundmi tha se mund ta imagjinonte veten të takohej me një “shkencëtar, neuroshkencëtar, biokimist, doktor [ose] avokat”.
Nëna e katër fëmijëve tha të hënën se “një grup” burrash në ato fusha “u afruan” kur ajo bëri atë deklaratë, por ajo pranoi për moderatorët Kelly Ripa dhe Ryan Seacrest se “thjesht nuk ishte gati”.
“Unë nuk jam duke kërkuar për asgjë. Mendoj se me të vërtetë duhet të jem vetëm, të fokusohem dhe të mbaroj shkollën dhe të fokusohem te fëmijët e mi”– tha Kim.
Kardashian kaloi provimin e ligjit për avokatinë në dhjetor 2021 pas tre përpjekjeve të dështuara dhe është ende në rrugën për t’u bërë avokate.
Nga ana tjetër Ripa, 51 vjeçe, e këshilloi Kardashian që ajo duhet të takohej me një “titan” të industrisë, sepse kjo është ajo që ylli i “Kardashians” është dhe ajo që “i nevojitet”.
Kardashian ndoshta ka qenë në këtë rrugë më parë me CEO-n e Yeezy, Kanye West. Megjithatë, ylli i reality-showt bëri kërkesë për divorc nga West, 45 vjeç, në shkurt 2021 pas gati shtatë vitesh martesë. Ata u shpallën ligjërisht beqarë këtë mars.
Para ndarjes së tyre, Kardashian la të kuptohej se dëshironte një lidhje ku ajo mund të shijonte “gjërat e vogla”.