Pasi ka dalë nga dhoma e rrëfimit, banorët nisën të ngacmonin Luizin se për çfarë folur.
“Kaq shumë ke qarë”, e pyeti Olta, ndërsa banorët e tjerë e ngacmonin për nominimet.
‘Po lëreni mos e ngacmoni, pyeteni më vonë”, ndërhyri Tea nga ana tjetër.
Pak më herë Luizi në një bashkëbisedim me Kiarën ka treguar se vuan nga një sëmundje e rrallë. Këngëtari tregon se ka hemorragji nga goja, por që brenda BBV është justifikuar duke thënë se ka një dhëmballë të prishur. Teksa bisedonte e Kiarën në shtëpi, ai tha se ka hyrë në BBV vetëm për të fituar paratë që i duhen për kurim. Gjatë bisedës, duket se Kiara shqetësohet dhe e pyet nëse është e kurueshme, kurse Luizi thotë se gjithçka kushton shumë.
Pjesë nga biseda:
Luiz Ejlli: E kam në të gjithë trupin dhe më ka dalë tre muaj para se të vija këtu. Nuk e dija, por bëra një checkup dhe më doli. Kam për të ikur në gusht, kam për të ik në Bergamo. Më doli edhe parmbrëmë në jastëk, por ja futa kot, thashë kam një dhëmballë të prishur.
Kiara Tito: E ke treguar para se të vije
Luiz Ejlli: Nuk e kisha thënë para se të hyja këtu dhe prandaj u futa se më duhen ato. Është e kushtueshme.
Kiara Tito: Kurohet
Luiz Ejlli: Ata thonë është e rrallë dhe 11 klinika janë më botë që e bëjnë
Kiara Tito: Vërtetë
Luiz Ejlli: Deri në gusht ishte e zënë klinika, duhet të shkoj në gusht
Kiara Tito: S’kam fjalë, nuk kam fjalë them
Luiz Ejlli: Prandaj të thoja se nuk e ke idenë. Thoja me vete…ehe…çfarë hallësh kam unë, këta qeshin.