Të gjithë personat që në Shqipëri kanë kryer vaksinën AstraZeneka gjatë pandemisë së koronavirusit, nuk duhet të shqetësohen. Instituti i Shëndetit Publik sqaron se gjatë fushatës së vaksinimit anti-Covid me Astazeneka, tek qytetarët shqiptarë nuk u konstatuan reaksione apo mpiksje gjaku, efekte anësore tashmë të pranuara publikisht nga kompania AstaZeneka, e cila tërhoqi nga qarkullimi vaksinen pak ditë më parë.
“Keto reaksione anesore shfaqen 5 deri 30 dite nga aplikimi i saj. Keshtu personat qe kane marre AstraZeneken nuk duhet te shqetesohen. Nuk ka ndikim afatgjate. Ne I kemi monitoruar dhe nuk kane patur reaksione apo shfaqje te tilla,” shprehet Silva Bino, shefja për sëmundjet infektive në Institutin e Shëndetit Publik tregon se vaksinimi në Shqipëri me AstraZeneka, për shkak të diskutimeve për efekte të mundshme anësore, zgjati 10 muaj.
Nga 500 mijë doza AstraZeneka të ardhura në vendin tonë, 78% e tyre u aplikuan tek personat mbi 60 vjec vecanarisht tek mësuesit dhe pedagogët. Kompania britaniko-suedeze AstaZeneka pranoi efektin anësore të vaksinës e cila shkakton një sindromë të rrallë të mpiksjes së gjakut. Ndërsa pak ditë më parë kompania e tërhoqi vaksinën nga qarkullimi. Gjatë kohës së pandemisë në Shqipëri u përdorën katër tipe vaskinash anti-covid, Pfizer, kinezja Koronavac, Astrazeneka dhe rusja Sputnik, por kjo e fundit në doza shumë më të pakta.