Teksa janë shtuar edhe qytetarët që i janë bashkuar aktorëve kundër prishjes së godinës së teatrit, tensionet janë rritur sërish në mesditë mes tyre dhe policisë.
Ndërkohë që një pjesë e aktorëve qëndrojnë në ambientet e brendshme të teatrit. Por ndërkohë është vënë re dhe një prezencë e shtuar e uniformave blu në protestë. Jashtë godinës protestuesit kanë hedhur kapsolla, ndërsa thuhet se policia do të tentojë të nxjerrë jashtë me forcë artistët.
Policia ka rrethuar mëngjesin e sotëm Teatrin Kombëtar për të nxjerrë orenditë nga godina e cila do të shembet. Artistët janë mbledhur në mbrojtje të teatrit, ndërkohë që kanë kërkuar t’u bashkohen dhe qytetarët.
Në mbështetje të tyre kanë shkuar dhe ish deputetë të Partisë Demokratike. Mësohet se artistët janë përplasur fizikisht me policët në mbrojtje të godinës.
Prej muajsh tashmë artistët protestojnë kundër shembjes së teatrit dhe ndërtimit të një të riu.
Mund ta ndiqni live këtu: