Disa nga emra të njohur në Superiore kanë firmosur këtë verë me Tiranën, por duket se nuk ka qetësi.
Stërvitja e Tiranës në Ohër ditën e djeshme është ndalur pas një sherri të ashpër mes dy futbollistëve të njohur Agustin Torrasa dhe Edon Hasani.
Panorama Sport shkruan se është dashur ndërhyrja e stafit të lojëtarëve për të ulur gjakrat, ndërsa trajneri Ardian Mema ka përjashtuar Edon Hasanin nga stërvitja.
Hasani shumë i revoltuar ka kërkuar të largohet nga grumbullimi, duke shkuar deri aty sa të kërkojë largimin nga skuadra.
Kjo situatë përfshin një ndër më të mirët e sezonit të shkuar dhe një ndër superblerjet verore, sepse Torassa konsiderohet një goditje e rëndësishme dhe paga e argjentinasit është ndër më të lartat në Superiore.