Pas transferimit nga Aris tek Ingolshtadi pritej që gjërat të shkonin mirë për Mërgim Mavrajn. Megjithatë, duket se fati nuk është me futbollistin e kombëtares sonë. Sipas informacioneve të bëra publike nga vetë klubi, qendërmbrojtësi ka pësuar një frakturë serioze në dorë dhe është detyruar të lërë stërvitjen.
32-vjeçari u është nënshtruar ekzaminimeve mjekësore dhe madje ai ka kryer edhe një operacion të menjëhershëm. Klubi ka bërë të ditur se nuk dihet rikthimi i tij në stërvitje, megjithëse ka siguruar se çdo gjë ka shkuar mire.