Chiara Ferragni do të jetë bashkëprezantuesja e Festivalit të ardhshëm të Sanremos. Ka qene pikërisht Prezantuesi i Sanremos, Amadeus i cili bëri me dije lajmin duke specifikuar se Chiara do të bashkëprezantojë me të mbrëmjen e parë dhe të fundit, përkatësisht atë të së martës më datë 7 dhe atë të së shtunës më 11 Shkurt 2023.
Festivali do të mbahet në Shkurt të vitit të ardhshëm, por drejtori artistik tashmë ka nisur punën për të.
“Rregullorja tashmë është publikuar dhe kam filluar të dëgjoj këngët e të rinjve dhe të mëdhenjve”, tha ai.
Edhe Ferragni e ka mirëpritur propozimin.
“Faleminderit Amadeusit që donte që unë të isha në krah të tij të hapja dhe të mbyllja Sanremo 2023”, ka shkruar blogerja në një postim në Instagram.
Chiara Ferragni është e fundit nga partneret e zgjedhura nga Amadeus për të bashkëorganizuar Festivalin. Në vitin 2022 në skenë dolën me radhë Lorena Cesarini, Drusilla Foer, Maria Chiara Giannetta, Sabrina Ferilli dhe Ornella Muti. Në vitin 2021 radha ishte e Matilda de Angelis, Serena Rossi,dhe të tjer. Kujtojmë se në vitin 2020 bahskëprezantuese e këtij festivali ishte edhe prezantuesja shqiptare, Alketa Vejsiu.
Në edicionin e fundit të Sanremos triumfuan Mahmood dhe Blanco.