Gruaja e një sundimtari në Emiratet e Bashkuara Arabe kritikoi takimin virtual të përfaqësuesve të vendit të saj dhe Ministrisë së Arsimit të Izraelit, në një kritikë të rrallë të adresuar publikisht.
Takimi, i mbajtur të hënën, diskutoi bashkëpunimin në disa fronte, duke përfshirë shkëmbimet e studentëve dhe studime të përbashkëta akademike, pas vendimit të Emirateve të Bashkuara Arabe për normalizimin e marrëdhënieve me Izraelin në gusht të vitit të kaluar.
Jawaher Al Qasimi, gruaja e Sheik Sulltan Al Qasimi, shkroi në Twitter se kurrikulat izraelite “avokojnë vrasjen dhe përdhunimin e arabëve”.
Dhe kjo cicërimë ndezi një debat.
“Shumë respekt për ju, për një qëndrim të vendosur që preku zemrat e popullit arab,” shkroi këngëtari jordanez Makadi Salem al-Nahhas.
Një përdorues tjetër shkroi se urrejtja ndaj arabëve nuk ushqehet vetëm nga programet mësimore të Izraelit, por dhe nga ideologjia e tij e shtetërore.
“Shpresoj që Zoti të mbrojë Emiratet dhe shoqërinë arabe nga depërtimi i entitetit sionist në strukturën e tyre shoqërore, kulturore dhe ekonomike”, shkruan Hadeed al-Farra.
Nga ana tjetër, përdoruesit nga Emiratet qëndruan në mbrojtje të bashkëpunimit, duke thënë se autoritetet e Emirateve të Bashkuara Arabe kujdesen për interesat e shtetit.
Rashid Abdullah bin Mukhtar shkroi, “Ne duhet të jemi të sinqertë me veten tonë dhe të mos harrojmë se kishte inkurajim ndaj jomuslimanëve në programet tona.”
“Vazhdoni planet dhe idetë mund të ndryshojnë përmes dialogut dhe hapjes”, shtoi ai.
Disa të tjerë kujtuan se ministri izraelit i Arsimit Yoal Galant ishte një ish-komandant i ushtrisë izraelite që kishte marrë pjesë në operacionet që shënjestronin palestinezët.
Emiratet e Bashkuara Arabe janë vendi i tretë arab, pas Egjiptit dhe Jordanisë që normalizuan marrëdhëniet me Izraelin, në një marrëveshje të vitit 2020 të arritur me ndërmjetësimin e Shteteve të Bashkuara.
Izraeli hapi zyrtarisht një ambasadë në Abu Dhabi të hënën.