Sipas disa studimeve, ka një periudhë në jetën e burrit gjatë së cilës eksperienca e të qenit baba do të përjetohet në mënyrën më pozitive.
Edhe pse nuk mund të themi se ka një moshë të përkryer në mënyrë absolute për t’u bërë baba, London School of Economics dhe Canada Western University kanë analizuar se mosha më e mirë për t’u bërë baba është nga 35-49 vjeç. Ky përfundim u arrit pas analizimit të disa çifteve.
Sipas studiuesve, “ata që kanë fëmijë mes moshës 23 dhe 34-vjeçare shohin rënie të entuziazmit një ose dy vitesh pas ardhjes së fëmijës, ndërsa ato që sjellin në jetë një fëmijë në mes moshës 18 dhe 22-vjeçare shohin rënie të lumturisë sapo bëhen prindër”.
Gjithashtu, mosha midis 35 dhe 49 vjeç konsiderohet ideale sepse prindi ka një nivel më të lartë të arsimit dhe një situatë profesionale më të qëndrueshme.