Një prerje flokësh mund të përmirësojë, por edhe të prishë pamjen tuaj dhe t’ju bëjë të dukeni më të vjetër se sa jeni.
Është e rëndësishme të keni parasysh tiparet e fytyrës, por edhe moshën, për të zgjedhur modelin ideal të flokëve.
Stilisti Nick Willis tregon se ka një mënyrë për të prerë flokët që mund t’ju bëjë të dukeni më të rinj.
Ndërsa flokët hollohen me kalimin e kohës, ekziston një perceptim se duhet t’i shkurtojmë flokët, por sipas Nick, kjo është e gabuar dhe flokët më të shkurtër mund t’ju bëjnë të dukeni më të vjetër se sa jeni në të vërtetë. Ai mendon se flokët më të gjatë janë shumë më mirë në këtë rast.
“Unë do t’i rekomandoja klientes sime t’i mbante flokët me gjatësi mesatare. Duhet të shtojnë edhe shtresa, kështu do të keni lëvizje dhe volum, të cilët janë faktorë të rëndësishëm nëse duam të dukemi më të rinj”, tregon ai.