Skuadra e Milanit vijon të kryesojë kampionatin teksa kanë ngelur edhe 2 javë nga përfundimi i Serie A. Ndeshja e radhës e Milanit është ajo kundër Atalantës dhe entuziazmi tek kampi i kuqezinjve vazhdon të rritet gjithnjë e më shumë.
“Gazzetta dello Sport” shkruan se 75 mijë biletat e disponueshme për ndeshjen kundër Atalantës janë shitur të gjitha. Por, gjtihmonë sipas gazetës në fjalë, kërkesa për bileta ka qënë pothuajse tre herë më e lartë se numri i vendeve në stadium.
Kanë qënë rreth 200 mijë kërkesa nga tifozët e Milanit për të parë ndeshjen në stadium, por kjo sigurisht që nuk është e mundur prej kapacitetit.
Kështu shumë tifozë do të gjenden te sheshi jashtë stadiumit për të ndjekur ekipin e tyre ndaj Atalantës, dhe mendohet se do të jetë ndeshja e fundit e vështirë për ekipin e Piolit, ku është shumë pranë fitimit të titullit.