Ana Paula da Silva, një deputete e re në Brazili, ka bërë bujë në internet pasi është shfaqur në jë veshje me të cilën ka rrezikuar mjaft shumë. Ajo është paraqitur kështu në një ceremoni betimi.
Da Silva ka qenë kryetare e një qyteti në Brazil e më pas është zgjedhur si reprezentuese e shtetit Brazilian të Kuvendit të Legjislativës të Santa Catarina më 7 tetor 2018. E për ceremoninë e betimit të saj para disa ditëve, ajo ka zgjedhur një veshje të re shumë provokative, e cila i zbulonte shumë nga gjoksi i saj. Me këtë rast, ajo u bë ndër personazhet më të përfolura të vendit.
Media braziliane e ka kritikuar 43-vjeçaren bombastike, e cila njihet në vend si Paulinha, pasi ka vënë në pah asetet, ndërsa përdoruesit e rrjeteve sociale e kanë komplimentuar, duke thënë se është puna e saj e cila duhet të përflitet e jo zgjedhja e veshjes.
Pas reagimeve të shumta, Paulinha ka reaguar përmes Instagramit, duke sqaruar zgjedhjen e veshjes: “Pak histori, për ata që nuk më njohin… Kjo është mënyra në të cilën më pëlqen të vishem, e cila, nga ana tjetër, nuk ka të bëjë fare me punën time. Unë nuk mund të ndryshoj se çfarë jam, vetëm se jamë bërë deputete tani”.
