Presidenti i Rusisë Vladimir Putin sot kishte veshur xhaketë në vlerën e 11 mijë eurove në kohën kur qytetarët e vendit të tij po vuajnë pasojat e sanksioneve të perëndimit.
Udhëheqësi i Kremlinit edhe këtë herë kritikoi Perëndimin, por kishte zgjedhur një brend perëndimor për veshjen e tij. 69-vjeçari kishte zgjedhur një xhaketa Loro Piana me vlerën e 1.5 milionë rublave ruse, ekuivalente me 11 mijë euro.
Presidenti rus,Vladimir Putin, iu drejtua dhjetëra mijëra rusëve, të grumbulluar në stadiumin Luzhniki të Moskës, në një tubim që festonte tetë vjetorin e aneksimit të Krimesë.
Ndërkohë, forcat ruse vazhdojnë të godasin kryeqytetin ukrainas Kiev, dhe lëshuan një breshëri raketash në periferi të qytetit perëndimor të Lvivit.
